唔經唔覺,原來我已經有一個月冇「扑」野。至於點解咁耐都唔「扑」呢,其實不外乎忙於吃喝玩樂學業。唔講廢話,整個十月頭炮先!

剛剛過去既星期三,可以話係香港足球歷史上非常重要既一頁,大球場經歷左十幾年沉寂後終於再一次爆滿。南華首次晉身亞協盃四強;,呢點足以吸引球迷入場。作為足球迷,我當然唔會放棄呢個難得機會。為了令球場更墟冚,在一位朋友串針引線下,最終形成左今次一行10人既睇波團,可謂非常熱鬧。

開波前,沿途已經見到好多球迷前往大球場,至於有幾多?大家睇睇圖先!

明明30秒路程,我們最終係呢度差唔多花左成10分鐘。可想而至,條通道係迫滿左幾咁多人呢!

上面個張係上場南華對尼夫治。下面就係南華對科威特SC。

嗱嗱,而家你信我冇講大話,大球場真係爆很左!而由於我地比較遲入場,好多靚位已經俾人霸晒,所以我地要坐係上層較側邊位置,但無損我地睇波興致。

講番場波先,南華首回合落後一球俾科威特,預左今場番到主場會強攻對手,不過事實上又唔係wo。論實力同身體質素,科威特班球員的確比南華高。開賽初段,科威特反而佔了優勢,攻勢入肉得多。相反南華明顯局唔起,多次斷纜同進攻冇乜板斧,能夠威脅對方龍門真係廖廖可數。

半場休息過後,南華一眾球員表現有所改善,心態上更加積極,。但至弊既係,佢地只係識高Q大腳,吊入禁區。大佬呀!人地個個都係大隻佬,高你成個頭,人地又點會驚同你頂頭搥呀!

直到比賽中段,卡尼祖後腳一傳俾李海強撞入,可惜被球證判入球無效。當時我真係「妖」左一聲,橫睇掂睇都冇可能係越位。

呢一球唔入,轉頭就俾科威特一個快攻破門,提早同南華收X!那股失望心情猶如見到一位美女正想除光衫之際,突然改變主意唔除仲走埋人tim。不過,我同另一位朋友仍然落力打氣,就算出局起碼要係自己地頭入番球,可惜願望不能成真,南華最後1:0落敗。其實成場波最失望既係,郭建邦今場踢得比較沉,記得八強次回合踢得好生,同李威廉雙翼齊飛,製造左好大威脅但今場好少波到落佢度。另外,後備入替歐陽耀沖剩係識死扭,好多波都係佢身上失左,對球隊完全冇幫助。

完場後,球迷係街道上不停大叫「黑哨」,宣洩球證對南華既不公平對待。故勿論是否有「黑哨」,但整場球證執法水平,未免真係太低。科威特明明有多個粗野攔截,但多個黃牌都冇俾,仲要判南華一球詐糊,真係妖你老味!但睇左波咁多年,都接受呢d都係球賽一部分,惟有只好期待南華下年再努力啦!

當晚氣氛至今仍然歷歷在目,每當對方一掂波,三萬幾人一齊開汽水,仲不停同對方既令堂發生超友誼關係,你話幾咁high呀!!!而我亦化身爆粗band友,不斷爆粗。總結個晚爆粗次數,可算係我一生人中既總和。單係俾廿蚊雞就可以不停發洩,真係抵過嫖妓。呢d氣氛坐係電視面前係感受唔到,只有親身體驗先至能夠清楚明白。所以呢,希望日後有更多球迷入場支持,令大球場再次爆滿!